Monday, March 17, 2008

4, 5, 6 мөртүүд xe xe

Сайхан хосыг харж нүдээн баясгамаар
Санамсаргүй болзоонд уригдан зүрхээн догдлуулмаар
Санааширч алсыг ширтэн нутагаа зоримоор
Санаа сэтгэлээр минь наадсан хавар цаг ирлээ

************

Намуухан тийм намуухан үдэшт би дуртай
Нүдээ аниад л бодол хөврүүлэх дуртай
Гүн аниргүйн тэвэрт тас атгуулах дуртай
Гүнзгий санаа алдан дотроо нээх дуртай
Тийм намуухан, тийм аниргүйд шунан тэмүүлдэг...

*************

Нэг голын усанд хоёр орж болохгүйтэй адил
Нэг олдох амьдралаар хоёр амьдрахгүй нь ойлгомжтой
Өнгөрсөнтөйгөө зууралдан үхээнц юм шиг амьдрахаар
Өөдрөг хуслээр жигүүрлэж өнөөдрөөрөө жаргалтай амьдрая

*************

Тэнд л миний эрх чөлөө
Тэнгэрлэг их хайр дурлал бий
Тэнд л миний зовлон гуниг
Тэнэгэрхэл, галзуурал бий... тэнд л...

*************

Зоосгүй явж үзсээн зөндөө үзсэн
Бодолгүй байж харин үзээгүй
Зорилгогүй явж үзсээн зөндөө үзсэн
Мөрөөдөлгүй харин явж үзсэнгүй
Бодол мөрөөдөл минь надаас явж одвол
Бодитоороо би хэн болох бол оо…

***************

Сэтгэл буруугүй хайр гэж байдаг шүү залуу минь
Сэмэрсэн даавуу шиг сэтгэлийн минь
Ширхэг утас нь ч болов чиний төлөө шаналах үед
Ширтээд харсан харц чинь учиг зангидах шиг санагдах
Сэтгэл буруугүй хайр гэж байдаг шүү залуу минь

2 comments:

Б.Номинчимэд said...

Saihan murtuud bichjee,
Yalanguya suulchiin murtuud chini songodog bolj ee hu.

Anonymous said...

It's remarkable in favor of me to have a site, which is helpful in favor of my experience. thanks admin

My web page: mold testing in ottawa ()