Түүнтэйгээ уулзаж зүүдлэмээр байна

Зүүд чи өнгөтэй юм уу
Зөн совин дагуулдаг юм уу
Тэгвэл би өнөөдөр
Түүнтэйгээ уулзаж зүүдлэмээр байна
Зүүдлэх зүүдлэхдээ бүүр
Зүүргүй гэгээн алсад
Зөн совингийн оронд
Зорчиж байна гэж зүүдлэмээр байна
Хамгаас хайртай тэр минь
Халуухан янагийн үгсээ
Сарнай болгон дэвсээд
Саймширч байна гэж зүүдлэмээр байна
Цэлгэр эх орныхоо
Цэцэгт хөндийд очоод
Цэвэрхэн түүнтэйгээ хөтлөлцөөд
Гүйж байна гэж зүүдлэмээр байна
Зүүд чи өнгөтэй юм уу
Зөн совин дагуулдаг юм уу