Saturday, December 15, 2007

Цав цагаахан цаснаар
Цангинасан инээд цацруулан
Алхаж байна гэж зүүдэллээ
Хажууд минь хайртай тэр минь
Ханхар цээжээрээ наланхан
Хорвоогийн хамаг жаргалыг
Хонгорхон зүрхэнд минь шивнэн
Хөтлөлцөнхөн алхаж байна гэж зүүдэллээ
Амьдралын яг л тэр агшинийг
Ялгуун зүүдэндээ би яг хэвээр нь үлдээгээд
Өнгөт орчлонгийн нэгээхэн зайд
Өнчин ганцаар сэрлээ
Үгүйлэх их орчлонгийн өчүүхэн зайд
Үнэн гэж хэрвээ байдаг бол
Уугаас хайртай түүнтэй минь
Уулзуулж өгөөч намайг гэж
Шинэхэн орсон цасны
Ширхэг бүрт нь би хүслээ
Шивнэж орхимоор санагдлаа

Хэзээ нэгэн цагт хоёуулаа
Хөтлөлцөнхөн алхах болноо
Чи минь л хүлээ
Хэврэг цасан тэгэхэд
Хайлсан байх болноо, тэр цагт
Харин зүрх минь чамайгаа
Хайрласаар байх болноо
Чи минь итгээрэй

3 comments:

БумЭрдэнэ said...

...Алханаа...Бүр удаан алхана...

ZAYA said...

Зул сарын баярын мэнд хүргэе.

Ганаа_бж said...

Oyunaadaa Shine onii mend hurgeye. Saihan bayarlaarai.