Харийн нутагт мөрөөдөл хуртэл утгагүй
Халуун зүрхний цохилт хүртэл түгшүүртэй
Хүний нутагт бодол хүртэл замбараагүй
Ганган хэтэвч, гар цайлгах зоосны өмнө
Гантиг цагаан бие үнэгүйдэж
Гал халуун дурлал сохорч
Гадны оронд хүн бүхэн
Галзуу юм шиг эрээгээ алдаж
Ганц шөнийн галзуурлын өмнө
Гайхамшигт хайр сэтгэл хүчгүйдэж
Хүний нутагт хагацал хүртэл жаргал юмшиг
Хайр хүртэл зовлон юмшиг, хамаг зүйл эсэргээрээ
Харийн нутагт бүх юм харийн
Хайрлан дурласан залуу хүртэл хүнийх
Хүний нутагт хүсэл хүртэл хүйтэн
Хүүхэн хонгор бие минь хүртэл хүнийхшиг
Энд минийх гэх юу ч алга, намайг гэх хэн ч алгаа
Эрсэн зүгтээ сурсан дуугаа дуулаад
Эргэж харалгүй арилж үзье эндээс
Зүрх минь дахиад энд
Зүггүй дурлал шивнэхээс эмээж байна
Зүгээр л би нутагтаа буцая
Зүрх сэтгэлдээ хайраа өмчлөе