Зовлого минь чи намайг зовоохоо болиоч
Зооглоё гэсэн болгоныг чинь зооглож
Зоргоор чинь чамайг зөндөө л байлгалаа
Бие минь чи намайг билүүдэхээ болиоч
Битүүхэн хүссэн хүслийг чинь гүйцэлдүүлж
Байгаа бүхнээ чамд л зориуллаа
Хүсэл минь чи намайг хүзүүдэхээ болиоч
Хүний хүүд сэтгэлээ өгчихөөд
Хүлээхийн зовлонг зөндөө л эдэллээ
Дур минь чи намайг дарамтлахаа болиоч
Дурлалын баланд согттол чинь умбуулж
Дураар чинь чамайг зөндөө л байлгалаа
Зүрх минь чи намайг зүгээр байлгаач
Зөндөө олон дурлалд хөтлүүлж
Зөнгөөр чинь би удаан байлгалаа
Одоо боллоо бие сэтгэл дур тачаал минь
Орон гэртээ тайван байж үз
Олон тийшээ үсчиж савчилгүй
Орондоо ороод тайван нойрсооч
Зуур ч болтугай завсарлага аваач
Зөөлөн хөнжилдөө амгалан нойрсооч!!!