Saturday, October 6, 2007

Өнчин дэрэн дээр өрвийгөөд яахав
Өнгийн сэтгэлээ гундаагаад яахав
Гарья гадаа, хаашаа ч яахав
Ганцаардал чамайг өрөөндөө
Ган хийтэл цоожилж орхичихоод
Гарья аа би гадаа гарья
Ганцаардал чамайг яах вэ
Ганц сайн хашрааж өгнө өө
Дөрвөн хананы дунд чи өөрөө
Дөмбийтөл суух гээд үз л дээ
Дүрсгүй занг минь мохоож
Дүрэмдэж загинахыг чинь харья л даа

Тэгэхдээ би ганцаардал чамайг
Тэр чигт нь мартчихаж чадахгүй ээ
Тэмдэглэлийн дэвтэрээ хааяахан нээж
Тэнэгхэн ганцаардлаа заавал дурсана аа
Үе үехэн чам дээр зочилж
Үелзэх сэтгэлээ онгойлгох болно оо
Харин одоо л хэсэгхэн хугацаанд
Хөөрхий намайг түр орхиоч

Цэлэлзэн долиглох далайн мандал
Цээжин дотроос минь бүгдийг гаргаад
Цэвэрхэн агаараар сэтгэлийг минь дүүргэж
Цоо шинээр амьдрах, сэтгэх
Цоглог хүслийг төрүүлж байх юм
Одоо би ганцаараа биш ээ
Оргилуун хүсэлдээ олуулаа боллоо

3 comments:

Түмэнбаярын Бум-Эрдэнэ said...

Заримдаа би бүр ганцаардах дуртай. Бүр ганцаардах газраа олж ядаад л...

бж said...

minii huvid setgel tavgui uyed gantsaaraa yum bodohgui nudee aniad suuhaar doroo taivshirchihdagiin. Hund zarimdaa gantsaaraa baih tsag hugatsaa heregtei. Buhniig ergetsuulj bodood l...
Harin happy tsag muchuu busadtai huvaaltsahiig iluud uzdeg dee...

oyunaa said...

Minii hubid vhtlee gantsaardaj bna. Gehdee iim veiig nadad hairlasan amidrald bayarlaj bgaa shvv. Bi ooriigoo ulam ilvv mederch, olon olon zviliin talaar urid ni bodoj bgaagvi iheer bodoj ergetsvvldeg bolson. Bi gantsaardliig bvr ch ih vzen yaddaggvi ee. Gehdee l....