Tuesday, October 16, 2007

Зам аа гэж

Зүгээр л би алхаж явна
Зөрөг замаар зөн мөрөөдөлдөө хөтлөгдөн
Энэ зам хаа хүрэхийг мэдэхгүй
Эцэс төгсгөл бий эсэхийг ч мэдэхгүй
Зүгээр л би алхаж явна
Зөрж өнгөрөх олныг харах төдий л
Мэндлээд өнгөрөх нэгэнтэй мэнд мэдэх төдий л
Би алхаж явна аа
Энэ зам ер нь хаа хүрэх юм бол
Энхрий чам дээр минь очих болов уу?
Аль эсвэл чиний минь явдаг замтай
Аль нэг хэсгээрээ огтлолцох болов уу?
Хэзээ энэ замаар алхаж эхэлсэнээ мэдэхгүй
Хэзээ энэ замаас гарч зогсохоо ч мэдэхгүй
Би алхаж л явна
Эргэж ч харалгүй алхаад л байна
Эргүү мал шиг хаашаа ч юм яваад л байна
Зөрж өнгөрөх хосыг хараад
Зог тусан зүрхээ чагнаж
Зүгээр л алхаж явна аа би
Уртын урт энэ зам
Угтаа чи бидэн хоёрын
Учирлын зам байсансан
Харин одоо хагацлын зам
Хахир хатуу хорвоогийн хайрган зам
Зөвхөн урагшилахыг л хүссэн
Зөрүүд гөжүүд зам болжээ

Алхаад л байхаас амьдралын энэ хурдны замаар
Анхааралтай л явахаас чиний минь нэртэй гарц өнгөрчих вий дээ

3 comments:

eebee said...

saihan shyleg baina, hair durlal l haigaad baigaa yum uu daa

ZAYA said...

Оюунаа, шүлэгэнд нугасгүй юмаа. Тээ

БумЭрдэнэ said...

зам замын дундаас гэртээ харих зам сайхаан