Thursday, October 18, 2007

Хааяа хааяа би хачин их уйлах дуртай
Хацар даган урсах нулимсаа
Хаа хамаагүй шударч арччихаад
Хамраа шуухитнуулан мэгших дуртай
Халуухан тэр нулимастай минь хамт
Хорсол гуниг минь урсан гардаг юм

Гэнэ гэнэхэн хачин их уйлах дуртай
Гэрээ саналаа гэж ээжийгээ айлган
Гэнэтхэн яваад очино шүү гэж
Гэрийнхнийгээ сандарган
Галзуу юм шиг уйлах дуртай
Гашуун тэр нулимастай минь хамт
Ганцаардал гуниг минь урсан гардаг

Хэн нэгнийг учиргүй өрөвдөн
Хэтэрхий их уйлах дуртай
Хэнхдэг цээжиндээ хуралдсан гунигаа
Хуу хаман гаргах дуртай

Харин дараа нь...
Хавганасан нүд
Халтайсан царайгаа хараад
Хэ хэ хэ хэ хэ хэ ........ баясах дуртай гэж

No comments: