Sunday, January 27, 2008

Чинийхээ дэргэдээс явмааргүй
Чимээгүй дахин шаналмааргүй
Чимээ чагнан хүлээмээргүй
Чиглэж алсыг зоримооргүй байна аа
Хатуурхаж чамайгаа гомдоомооргүй
Халуун зүрхэндээ шаналмааргүй
Халуун энгэрт чинь тэврүүлээд л
Хаашаа ч би явмааргүй байна аа
Яг л энэ чигээрээ
Янагийн хөнжилдөө хөлөрч
Ягаахан урууланд чинь шунан
Яасан ч чамаасаа салмааргүй байна аа
Мөнхөд энэ хэвээрээ
Мөрийг чинь түшин эрхэлж
Мэлмий юуг чинь ширтэн
Мөрөөдлийн хөлөгнөөсөө буумааргүй байна аа
Өнөд чамаасаа холдмооргүй
Өнчин дэрэн дээр уйлмааргүй
Өөрт чинь л хайраа илчлээд
Өөр хаашаа ч явмааргүй байна аа
Би чамаасаа явмааргүй
Битүүхэн зүрхэндээ шаналмааргүй
Биенээ санаж бэтгэрмээргүй байна аа

2 comments:

Pearle Deppsu said...

яг миний хүсч байсан шүлэг байна

artagnan- артаньян said...

chi uuruu bichdiimuu? goyo shulegnuud baishuu. alahiin baina.